Балабақшада жыл сайын Қазақстан Республикасының Тәуелсіздік күніне арналған балалармен мерекелік іс-шаралар өткізіледі. Осы іс-шаралардың мақсаты балалардың бойында адамгершілік сезімдерін, өз Отанына, туған өлкесіне деген сүйіспеншілігін қалыптастыру болып табылады.

Тәуелсіздік күні ең басты мерекелердің бірі ретінде атап өтіледі, биыл ол ерекше, Қазақстан Республикасы Тәуелсіздігінің 30 жылдығы атап өтіледі. Балабақшада өскелең ұрпақты патриоттық тәрбиелеу мәселелеріне көп көңіл бөлінеді. Апта бойы балалармен әңгімелер жүргізілді, ұлттық ойындар ойнады, мерекелік ертеңгіліктер өткізілді. Музыкалық іс-шарада балалар ептілікте, тапқырлықта сайысып, Отан, туған өлке туралы өлеңдер оқыды.